Katër vite në Shebenik

Shebeniku ishte vendi ku ndërtuam formatin e parë të organizuar të astroturizmit në Shqipëri, me katër vite netë nën yje.

Për katër vite, Shebeniku ishte vendi ku ndërtuam dhe zhvilluam përvojat që më pas u bënë Star Campers Albania. Jemi krenarë që krijuam të parët në Shqipëri një format të organizuar të astroturizmit, duke u dhënë njerëzve një mënyrë tjetër për ta njohur zonën: përmes netëve në natyrë, vëzhgimit të qiellit, ecjeve dhe takimeve me mikpritjen vendase.

Ky promovim nuk erdhi nga një aktivitet i vetëm. Pas tij qëndrojnë vite pune në terren, investime në pajisje dhe bashkëpunime me njerëzit e zonës. Interesi u rrit, përvojat tona përfshinë mijëra vizitorë dhe pamje nga aktivitetet në Shebenik u publikuan nga Reuters, BBC dhe media të tjera ndërkombëtare. Nga Shebeniku, nisma u shtri më pas në Përmet, përgjatë Rrugës Egnatia, në Prespën e Madhe dhe në destinacione të tjera të Shqipërisë.

Kjo rrugë është një nga arsyet pse lindi PERSEID: për ta kthyer përvojën e fituar në punë më të gjerë për turizmin, mjedisin, edukimin dhe komunitetet.

Projekti i lidhur · Star Campers Albania