Kush jemi

PERSEID nisi si një ide në Shebenik, aty ku morën formë edhe përvojat që më vonë u zhvilluan në Star Campers Albania. Netët nën yje, ecjet dhe takimet me njerëzit e zonës treguan se turizmi mund të krijojë mundësi për komunitetin dhe të nxisë kujdesin për natyrën. Në vitin 2026, kjo ide u regjistrua me vendim gjykate si organizatë jofitimprurëse.

Përmes Shebenik Egnatia Explorers dhe Star Campers Albania është bërë një punë e vazhdueshme për krijimin e përvojave në natyrë dhe promovimin e destinacioneve turistike në Shqipëri, sidomos të zonave rurale dhe vendeve më pak të njohura. Gjatë këtij rrugëtimi janë zhvilluar bashkëpunime me organizata lokale, kombëtare dhe ndërkombëtare. Përvojat në terren dhe njerëzit e takuar gjatë tyre e forcuan dëshirën për ta vazhduar këtë punë me një mision më të gjerë. Prej kësaj dëshire mori formë PERSEID.

Sot, PERSEID e zgjeron këtë përvojë në turizëm të qëndrueshëm, inovacion, edukim mjedisor dhe zhvillim komunitar. Synimi ynë është të krijojmë projekte bashkë me njerëzit e vendit, që vlera e tyre të mbetet edhe në komunitet.

Shebenik Egnatia Explorers u vlerësua me dy fitore në Konkursin Kombëtar të Bizneseve të Gjelbërta, në vitet 2022 dhe 2024. Në bashkëpunim me Europe House, në vitin 2024 u organizua në Shebenik një aktivitet që ndërthuri ecjen, kampingun dhe vëzhgimin e qiellit. Star Campers Albania fitoi çmimin rajonal Butterfly Innovation Award në 2025 dhe u përzgjodh finalist i #ForOurPlanet Green Skills Award në 2026. Këto rezultate i përkasin nismave që i paraprinë PERSEID.