Nga Shebeniku në gjithë Shqipërinë

Pas katër viteve në Shebenik dhe interesit të madh të vizitorëve, erdhi hapi tjetër: ta çonim këtë përvojë edhe në destinacione të tjera. Zgjerimi kërkonte njohje të terrenit, bashkëpunim me njerëzit vendas dhe një program që i përshtatej karakterit të secilës zonë.

Kështu, Star Campers Albania u zhvillua në Përmet, përgjatë Rrugës Egnatia dhe në Prespën e Madhe. Këto aktivitete treguan se interesi për qiellin mund të shërbejë si pikënisje për të zbuluar vende, për të mbështetur mikpritjen lokale dhe për t’i bërë vizitorët të qëndrojnë më gjatë. Për PERSEID, ato janë themeli i një qasjeje ndaj turizmit që nis nga ajo që e bën secilin destinacion të veçantë.

Projekti i lidhur · Star Campers Albania